Chapter 118

Hindi nagtagal ay dinala siya ni Olga sa research lab number 1. Ang sabi ng babae ay doon daw siya magtatrabaho kaya naman kalmadong naglakad si Klaire papasok ng malawak na opisina na ‘yon.

Ngunit bago pa man siya tuluyang makapasok ay hinawakan nang mahigpit ni Olga ang kaniyang braso. Nilingon niya ito nang may pagtataka.

“What’s wrong, Olga?” tanong niya.

Mariing bumulong si Olga. “Lahat ng research lab ay may naka-arrange mula number 1 hanggang 7. Itong lab na ‘to? Si Sophia ang in charge sa opisina na ‘to. Nariyan lahat ng magagaling na empleyado ng R&D, at lahat sila ay alalay ni Sophia. Naku, kailangan mong maghanda bago pumasok diyan. Nangangain sila ng buhay.”

Gusto namang matawa ni Klaire. Kung gano’n ay mga kaugali ba ni Sophia ang sasagupain niya sa unang lab? Kung totoo man ang sinabi ni Olga ay wala siyang pakialam. Kahit pa maraming empleyado na kaugali ni Sophia sa loob ng lab na ‘yon ay hindi siya masisindak ng mga ito.

“Thanks for the warning, Olga. Huwag kang ma