Chapter 125

Pagkatapos ni Klaire magtrabaho sa Bloom Perfume ay sinundo niya sina Nico at Natasha sa kindergarten para sabay-sabay na silang umuwi.

Ang dalawang cute niyang mga anak ay nakaupo sa swing at nagtatawanan, dahilan para gumaan ang loob niya at manlambot ang puso.

“Babies!” bulalas niya at patakbong lumapit sa kanila. “Kamusta kayo?”

“Mommy!” Excited na kumaway si Nico sa kaniya.

Nang tuluyang makalapit ay hinalikan niya ang mga pisngi nito at saka niyakap sila.

“Mommy, alam mo po ba nag-usap na kami nina Kuya Clayton kanina. We decided to book concert tickets for you and Daddy. Na-send na po namin ang ticket information sa email mo, Mommy. Ang concert na ‘yon ay ngayong weekend po. Huwag niyo po kalimutan na sabihan si Daddy, ha!”

Nagulantang si Klaire sa narinig. Kumurap siya at halos mapaubo sa narinig. “Talagang napagplanuhan niyo na ‘to nang gano’n kabilis?”

Masayang tumango si Nico. “Mommy, kasi po limited lang ang tickets sa concert na pupuntahan niyo po. Baka kapag hindi ka