Chapter 119

“Klaire, tama na muna ‘yan. Lunch time na,” bungad ni Olga nang pasukin ang Lab 2 para ayain siyang mag-lunch.

Tutok ang mga mata ni Klaire sa laptop screen habang pinag-aaralan ang mga data ng perfume formula na nabuo ng Lab 2. Hindi niya maiwasang humanga dahil maganda ang kombinasyon ng mga ingredients ng mga formula na nabuo ng mga ito, mayroon nga lang kakaunting kailangang baguhin para mas umangat ang quality at ang value ng mga ito.

Tumawa si Olga nang hindi nagsalita si Klaire. Tinapik nito ang kaniyang balikat at sinabing, “Tama na muna ‘yan. Hindi mawawala ang mga data na pinag-aaralan mo. Kain na muna.”

Kumalam ang sikmura niya, indikasyon na kailangan na talaga niyang kumain. Nag-angat siya ng tingin kay Olga at nginitian.

“Saan tayo kakain?” marahan niyang tanong.

“May restaurant sa loob ng company. Nandoon na siguro lahat ng mga pagkain na gugustuhin mong kainin. Alam mo naman, big time ang may-ari ng kumpanya.” Olga wiggled her brows.

Natawa lamang si Klaire at sak