Chapter 110

Simangot na nagmartsa si Klaire pabalik sa kaniyang upuan. Hindi rin naman biro ang binayad niya sa mga pagkain, ano! At saka pinaghandaan niya ang dinner na ‘to.

Tahimik na naupo si Alejandro sa upuan na kaharap niya. Tiningnan nito ang mga pagkain na nasa mesa, lihim na nasurpresa dahil lahat ng mga paborito niyang pagkain ang nakahain. He then looked at the beautiful woman sitting across from him. Alam pa rin ni Klaire ang mga hilig niya. Lihim siyang napangiti sa isipin na ‘yon.

Naramdaman naman ni Klaire ang malagkit na tingin ni Alejandro. Parang tambol ang puso niya sa lakas ng pintig nito. Hindi niya alam kung dahil ba sa galit o ano! Iniwasan niya ang mga mata nito at humalukipkip saka sumandal sa kinauupuan.

“Kung hindi mo gusto ang mga pagkain, we can re-order. Malamig na siguro ang mga ‘yan kasi kanina pa nakahain,” ani Klaire, hindi sinasadyang magtunog nagtatampo ang boses.

Napangiti nang tuluyan si Alejandro. He was amused, seeing Klaire pout her lips and roll her e