CHAPTER 3: The Woman In His Passenger Seat 

Hindi pa rin nakakarecover sa pagkagulat si Kaena, dinampot na muli ni Mariana ang kaniyang maleta at naglakad palabas ng bahay nang hindi lumilingon. 

Nang makalayo siya sa bahay ng pamilya Ruiz, namataan ni Mariana si Ellie na ibinababa ang bintana ng sasakyan, umusli ito at humalik sa kaniya na may ngiti sa mukha: "Baby, pumasok ka na sa sasakyan, dadalhin ka ng ate mo upang magdiwang." 

    

Ngunit kahit na sinabi ni Ellie na sila ay magdidiwang, alam naman niya na kahihiwalay lang ni Mariana sa asawa nito at nagdadamdam pa, kaya dinala na lamang niya ang kaibigan sa isang music-themed na restawran. Matapos malaman ang tanging dahilan ng pakikipag hiwalay nina Tyson, hindi maiwasan ni Ellie ang magreklamo:

"Si Diana na naman? Nag hiwalay sila noon para sa malaking deal sa kumpanya, ano bang nagustuhan ni Tyson sa babaeng iyon?" 

Hinalo ni Mariana ang kape na nasa kanyang harapan at tamad na sinabi: "Hindi ko alam..." 

Hindi alam ni Mariana ang white moonlight ni Tyson. Hindi niya ito lubos na kilala. Nakilala lamang niya si Tyson matapos umalis ni Diana upang mag tungo sa ibang bansa. 

  

Narinig na lamang niya sa iba na si Diana ay talaga namang maamo, matalino at considerate. Nang nagkaroon ng hindi pagkakaunawaan sina Tyson at si Mr. Rellegue dahil sa kanya, mahinahon siyang pinayuhan ni Diana. Sa kalaunan, nagkasundo sila ni Tyson na magpakasal na.

Nang mapansin ni Ellie na hindi na niya kaya pang magsalita, iniba niya agad ang kanilang usapan at nangalumbaba: "... Pero talaga namang mapagbigay si Tyson. Akalan mo, isang bahay, sasakyan, at walumpung milyon.." 

Ini-angat niya ang tingin kay Mariana at nanghihinayang na sinabi: "Sayang at hindi mo naman kailangan ang mga iyon. " 

    

Nang mamatay ang ama ni Mariana, wala sa loob niya na hawakan ang kanilang kumpanya, kaya ibinigay niya ito sa kaniyang pinsan na si Hannah upang pamunuan ito, at masaya itong kumita mula sa dividends ng kanilang kumpanya. Akala pa nga ng ibang tao na ang kumpanya ng mga Ramirez ay naging pag-aari na ni Hannah. Bukod doon, nagkaroon din ng property agreement sina Mariana at Tyson, at muka noon ay palaging inisip ng pamilya Ramirez na walang pag-aari si Mariana kahit isa. 

Wala sa sariling sambit ni Mariana: "Walang magrereklamo kung marami silang pera."

Tumingin si Ellie sa simpleng si Mariana na nasa harap niya, at nakaramdam siya ng panghihinayang. Agad niyang matapang na sabi: "Tama 'yan, baby Mariana, gamitin mo ang perang binigay ni Tyson para bumili ng mga damit at bag, at iwanan mo na ang pamilyang Ruiz at magpaganda ka! Pero Mariana, naisip mo na ba kung anong gagawin mo pagkatapos mong iwanan ang pamilya ng asawa mo?"

Malayo ang tingin ni Mariana. 

Nakapag-aral siya ng double degree sa sikolohiya at musika sa kolehiyo. Kalaunan, nagkaproblema ang ama ni Mariana at napilitan siyang huminto sa pag-aaral ng matagal na panahon. Isang taon ang lumipas, natanggap niya ang kanyang diploma, ngunit kasal na siya kay Tyson ng panahon na iyon. Pagkatapos, naging full-time housewife na lamang siya sa loob ng tatlong taon... 

Ni hindi niya naisip ang maaari pa niyang gawin sa hinaharap. 

Inabot ni Ellie ang kamay ni Mariana at hinawakan ito habang nakangiti: "Hindi na iyon importante. Puwede mo pang isipin iyon ngayon pagkatapos mong iwan ang pamilya Ruiz. Ang importante na lang sa ngayon ay dadalhin kita sa mall upang makapamili pagkatapos natin maghapunan. Sa susunod na araw, dadalhin kita sa Samar para mag-hunt." 

    

Kumurap si Mariana at nakaramdam ng kaunting pananabik: "Hindi mo pa alam, nagpupunta rin si Mavros doon sa Samar upang mag-hunt nitong mga nakaraang araw." 

    

Mabilis na kumislap ang mga mata ni Mariana sa gulat. Si Mavros ang ikatlong master ng mayamang pamilyang Torres na nasa industriya ng real estate. Napakalaki ng kanyang yaman at palaging may misteryosong awra. Madalang siya magpakita ng interes sa ganitong mga aktibidad. 

Ngunit si Mariana ay naging mausisa lamang ng ilang sandali, at agad ding nawala ang ideya na iyon sa kaniya.

 Pagkatapos ng hapunan kasama si Ellie, wala sa loob ni Mariana ang magtungo sa mall para mamili. Nag - swipe na lamang siya sa kaniyang card at hiniling sa empleyado na idala na lamang sa apartment ang mga nais bilhin ni Ellie. 

    

Bago umalis, agad na ipinaalala ni Ellie, "Nga pala, Mariana, wala kang oras noon, kaya hindi ko sinasabi sa 'yo na hindi maayos ang lagay ni Professor Glen nitong mga nakaraang buwan. Mabuti pa ay puntahan mo siya at dalawin kapag may oras ka na." 

Si Professor Glen ay isa sa mga naging propesor ni Mariana noong siya ay nasa kolehiyo pa lamang sa kursong sikolohiya. Naalala siya ni Mariana na malapit sa kaniyang puso habang kumukuha ng sasakyan pabalik sa kaniyang maliit na apartment. 

Matapos umalis sa bahay ng pamilyang Ruiz, kumuha si Mariana ng maliit na apartment na malapit lamang sa kung saan nakatira si Ellie, may taong naglilinis niyon tuwing weekdays, kaya pansamantala lamang ang kaniyang pag tira roon. 

Sa hindi inaasahan, nang makarating siya sa kaniyang tinitirhan, namataan niya si Tyson na nakasandal sa sasakyan nito habang hinihintay siya. 

May isang babae na nakaupo sa loob ng sasakyan, mayroon itong magandang anyo at kaakit-akit na pagkakahubog ng katawan, at malambot at maayos na mga kilay. 

Sumulyap roon si Mariana at tila may kumurot sa kaniyang puso. Totoo ngang ganitong klase ng babae ang magugustuhan ni Tyson. 

Nang makita siya, agad itong lumabas ng sasakyan, inilingkis ang kamay sa braso ni Tyson at naglakad palapit sa kaniya, maamo at palakaibigang ngumiti, at tsaka inilahad ang kamay sa kaniyang harapan:

"Kumusta, Mariana, ako nga pala si Diana."