336.

Lumapit si Hazel sa binata, napalunok siya ng laway ng makita ang duguan nitong mukha, hindi ito gumagalaw at nakapikit na.

“H-hindi basta mamamatay ang lalaking ‘yan! T-tara na! Iwanan na natin siya!” Masamang damo si Frank, malabo na mamatay ito ng dahil lang sa bugbog, isa pa, tiyak niya na darating ang tauhan nito para dalhin ito sa hospital.

Luminga siya sa paligid, wala siyang nakitang tauhan ng binata sa paligid. Sino ang magdadala sa lalaki sa ospital?

“Sandali.” Bumuga siya ng hangin bago bumaling kay Frank na nakahiga at walang malay. “D-dalhin ninyo siya sa hospital, pagkatapos ay iwan na ninyo siya doon ng mag isa.”

“Masusunod, Ma’am!”

Pagkasakay niya ng sasakyan, hinintay muna ng dalaga na maisakay sa sasakyan si Frank bago inutusan ang driver na umalis na sila. Ngunit pagkaraan ng ilang sandali, nagsalita siya.

“Sa hospital muna tayo.” Aniya sa driver.

Napahilot siya sa sintido. Mukhang mali na pinabugbog niya ang binata. Paano kung malaman ito ni Tita Freya at