344.

“Maraming salamat sa mainit na pagtanggap, Chairman. Gusto ko tuloy isipin na sayo talaga nagmana ang apo mong si Hazel dahil pareho pala kayong magaan kausap.”

Tumawa ang abuelo ng dalaga. “Sa palagay mo ba? Sabagay… kanino pa nga ba makukuha ng aking apo ang pagiging matalino at mabuting tao, maliban sa kanyang lolo!”

Kung sa ibang pagkakataon, matatawa si Hazel sa palitan ng biruan ng mga ito. Ngunit ng sabihin ng lolo niya ang tungkol sa kasal kanina, hanggang ngayon ay shock parin siya.

5 months pa ang kasal nila ni Steve. Bakit minamadali ito bigla ng lolo niya? At saka bakit nagdesisyon ang lolo niya na madaliin ang kasal?

Nang matapos kumain, natuloy ang pag uusap ng mga ito sa sala. Tumayo si Hazel at nagpaalam na magpapahangin lang. nang makita ni Rose na umalis ang dalaga, sinundan niya ito.

“Is everything okay?” untag ni Rose kay Hazel. Kanina, nang sabihin ng lolo nito ang tungkol sa kasal ay napansin niya na wala ng kibo ang dalaga. At mayamaya ay nagpaalam ito