351.

“Pwede ba? Wag mo nga ako tingnan ng ganyan.”

“Why?” Inosenteng tanong nito.

“Why? Makakakain ba ako kung ganyan ka tumingin?”

“Masaya lang kasi ako na kasama kita ngayon. I’ve waited for five years to finally fulfill this dream. Akala ko kasi noon sa panaginip nalang ulit kita makakasama.” May kislap ang mata na turan ng binata, na para bang napakasaya nito ng mga sandaling ito.

Iniwas niya ang tingin at pinagtuunan ng pansin ang pagkain.

Biglang sumagi sa isip niya ang sinabi ni Toni. Totoo nga kaya na nalungkot si Frank ng mawala siya?

Pinilig niya ang ulo at kumain nalang. Wala naman magbabago kahit malaman niya ang totoo.

Si Steve, akala niya ay hindi siya nito magagawang sirain ang tiwala niya, nila ng lolo niya. Pero katulad din ito ni Frank.

Wala na yatang natitirang matino sa mundo ngayon.

“Ano ang plano mo ngayon?“ kapagkuway tanong ng binata sa kanya.

Alam niya na ang tungkol sa nakita niya ang ibig nitong sabihin. Bumuntonghininga siya at malungkot na