354.

Kumunot ang noo ni Frank ng mapansin ang isang lalaking na kanina pa palakad-lakad sa harapan ng gate ng mga Montefalco.

“Sir, mukhang kahina-hinala ang lalaking iyan. Siya din ang nakita kong palaging nag aabang sa labas ng Montefalco Corp. nitong nakaraan.” Imporma ni Jobert sa amo.

“Sundan niyo siya at alamin kung ano ang pakay niya sa pamilya nila Hazel.”

“Yes, sir!” Sagot ni Jobert. Tinawag nito ang ibang kasama para sundan ang lalaki, na ngayon ay nakasakay na sa motor at paalis na.

Saktong pagkaalis ng motor, bumukas ang gate at lumabas si Hazel na palingon-lingon. Lumabas naman agad si Frank ng kotse para salubungin ito.

“Bakit ba ang kulit mo? Wala ka bang ibang gagawin kundi sundan ako?”

“Paano kung sabihin kong wala?”

Natampal ng dalaga ang noo at napipika na tumingin kay Frank. “Eh kung ako na kaya ang bumaril sayo—“ napaawang ang labi ni Hazel ng sabay na tumunog ang tiyan nilang dalawa.

“Frank, naman! Anong oras na pero hindi ka parin kumakain? Gusto m