338.

PAGDATING SA LABAS ng silid ni Frank, huminto si Hazel. Nagbabalak na siyang kumatok ng biglang bumukas ito.

“Hazel!”

“Tita Freya!”

Hindi napigilan ni Freya ang yumakap kay Hazel ng makita ito.

“Masaya akong malaman na buhay at ligtas ka.” Pinahid ni Freya ang luha sa mata matapos bumitaw ng yakap sa dalaga. Matagal-tagal na kamustahan ang naganap sa pagitan nila, “Bakit tayo narito sa labas, tara iha, pumasok ka dito sa loob.” Hindi na tumanggi si Hazel ng igiya siya ng ginang papasok. Nang makaupo sila, agad nitong ginanap ang kanyang kamay. “Limang taon din kaming nalungkot sa pagkawala mo. Nalaman na lamang namin kila Fatima na kasama ka sa mga namatay noon sa sumabog na gusali, hindi kami naka-attend ng burol mo dahil ayon sa kanya ay kinuha ng pamilya mo ang katawan mo. Kaya pala hindi namin nalaman kung sino ang pamilya, o kumuha ng bangkay mo noon, dahil buhay ka at isa palang Montefalco ang tumakip sa mga impormasyon tungkol sayo.”

“Pasensya na kayo ni Ate Rose, Tita