337.

“NASA LABAS SIYA ng silid mo, boss.” Imporma ni Jobert sa amo habang panaka-nakang sumisilip sa dalaga, na ngayon ay nakatayo lamang sa labas ng silid ni Frank. “Sa palagay ko ay papasok na siya anumang oras. Kailangan mong maghanda, boss!”

Napailing si Mike habang nakatingin kay Frank na abot hanggang langit ang ngiti.

“Nagagawa mo pang ngumiti pagkatapos ng nangyari sayo. Nababaliw ka na yata, Frank.” Dumating ito ng duguan, at animo’y walang malay. Ngunit bilang doktor ay nahalata niya na nagpapanggap lamang ito. Ngunit dahil isa itong Evans at bayaw niya, ang lahat ng hospital staff ay binigyan ng special treatment ang binata, at inasikaso ito na para bang nasa bingit ang buhay nito.

“Nasaan na ang sinabi mo noon na “hindi applicable ang pagmamahal sa lahat” sa palagay ko, mukhang malakas ang tama mo.” Tudyo pa niya.

“Tumahimik ka nga, Mikael. Hindi ko kailangan nag sermon mo ngayon. Ang tulong mo ang kailangan ko. Anumang sandali ay papasok si Hazel dito. Gusto kong sabihin mo s