230. Selos

“Teka, diba si Sir Frank ‘yon?” Nginuso ni Toni ang restaurant sa tapat ng kinakainan nila.

“Si Frank—si Kuya Frank nga!” Bawi niya. Sigurado kasi na magtataka ito kapag hindi siya nag kuya sa binata.

Tumayo siya at kumaway para kunin ang pansin nito. Glass wall naman ang pader kaya alam niya na makikita siya nito.

Hinila siya paupo ni Toni. “Ano ka ba, nakita mo naman na nakasimangot eh. Sigurado na mainit ang ulo niyan!” Sita nito sa kanya.

Tama si Toni, mukhang mainit nga ang ulo nito dahil hindi maipinta ang mukha nito. Di bale, imamasahe nalang niya ito mamaya para mabawasan ang init ng ulo nito.

Nagulat siya ng mayamaya ay may babaeng lumabas din ng restaurant.

“A-ate Yassie…”

“Kaya naman pala hindi na bumalik si Sir sa office dahil sa babaeng ‘yan. Sabagay, mas maganda nga ‘yon eh. Kapag wala kasi si Sir ay nakakakilos ang lahat ng maayos sa building. Mas nakakahinga kaming lahat ng maluwag—“ nagulat si Toni ng makita siyang namumula ang mata. “Hazel, bakit? Ma