229. Steve Montenegro

“Wala si Sir Frank. Kanina pa siya umalis.”

Nawala ang ngiti niya. “Ah gano’n ba? Akala ko kasi nandito siya kaya dinalhan ko din siya ng bake macaroni na niluto ko.”

Lumapad ang ngiti ni Toni. “Thank you, Hazel! Ang sweet mo talaga. Palagi ka nalang may dalang pagkain sa akin. Look at me?” Umirap ito sa kanya. “Lumalapad na ako dahil sayo. Siya nga pala. Mabuti na rin siguro na hindi mo naabutan si Sir kanina. Mainit kasi ang ulo niya pagkatapos nilang mag usap ni Yael.”

“G-galing dito si Kuya?”

“Wag kang mag alala dahil kanina pa siya wala.” Sabi agad nito ng makitang namumutla siya. “Sa palagay ko may pinagtalunan sila sa loob kanina. Kahit kasi si Sir Yael ay hindi maipinta ang mukha ng lumabas siya.”

Ano kaya ang pinagtalunan ng mga ito? Hindi kaya dahil ito kay Ate Yassie niya?

Lumapit si Toni sa kanya at mahinang bumulong. “Alam mo ba may bali-balitang kumakalat sa buong building ngayon? Ayon pa sa mga narinig ko, may ibang babae daw si Sir Frank bukod kay Ma’am Yas