228.🔞Book 3: Kamag anak

NANLULUMO si Ranz sa pagtanggi ni Fatima. Malungkot itong nakatanaw sa papalayong matanda. Buong akala niya ay magkakausap na sila ni Hazel, ngunit bigo sila.

“Natitiyak mo ba na narito si Hazel?” Tanong ni Steve sa lalaki, ito din ay nakatanaw sa papalayong si Fatima. Nang tumango si Ranz ay nag-isang linya ang kilay ng binata. Naging palaisipan sa kanya kung bakit itinanggi iyon ng matanda.

Bago sumakay ng kanyang sasakyan ay nilingon ni Steve ang malaking Villa.

EVANS.

PAGDATING sa hospital ay dumiretso sila ni Ranz sa silid kung nasaan si Henry Montefalco. Nang makita ni Aika ang binata ay agad niya itong nilapitan, ngunit nilagpasan lamang siya ng binata. Sa kabila ng pagkainis ay ngumiti ang dalaga upang pagtakpan ang pagkapahiya.

Kakaiba ang sigla sa mukha ng matanda ng makita si Steve at Ranz, luminga ito, umaasa na makikita ang babaeng nais niyang makita.

Dagling nabura ang sigla sa mukha ni Henry ng mapagtanto na hindi kasama nila Steve ang babaeng gusto niyang