162. Pag amin

Hindi si Rose mapakal, iniisip niya hanggang ngayon ang mga kasinungalingan ni Sofia. May iba pa ba itong motibo bukod sa hindi siya nito gusto para sa kapatid nito?

Hindi siya nakatiis at kinuha ang cellphone niya sa bag para tawagan si Frank. Pero hindi niya tinuloy ang pagtawag. Ano ang sasabihin niyang dahilan kaya tumawag siya? Baka isipin nito ay nag aalala siya kay Mike.

‘Bakit hindi nga ba, Rose?’ Tanong ng isip niya.

Bumuntong-hininga siya bago muling binalik ang cellphone sa bag niya. Pagkalabas niya ng kotse ay sumalubong sa kanya ang kasambahay nilang si manang.

“Ma’am Rose, may bisita kayo.” Imporma nito sa kanya.

Pagkapasok niya sa loob ay naabutan niya ang Ninang Raven niya. Nang makita siya nito ay agad itong yumakap sa kanya kaya naman gumanti siya ng yakap dito. Hindi naman siya galit sa ninang niya. Masama lang ang loob niya pero hindi sapat ‘yon para hindi niya ito kausapin. Naiintindihan niya kung mas paniwalaan nito si Sofia kesa sa kanya. Bukod kasi sa mag