164. Rocky

Sumandal si Rose sa kanyang swivel chair pagkatapos ifinalized ang lahat ng papeles na ipapasa nila ng kanyang team bukas. Parang pagod na pagod siya palagi nitong mga nakaraan. Simula ng maghiwalay sila ni Mike ay ganito nalang palagi ang nararamdaman niya.

Para siyang pagod palagi at nanghihina.

Kumunot ang noo niya ng mapansin ang isang lunchbox na nasa dulo ng mesa niya. Nilagay siguro ito ni Mrs. Pillar ng hindi niya napapansin kanina dahil busy siya sa mga papeles na binabasa niya.

Samantala nang makita siya ni Mrs. Pillar na tapos na kanyang ginagawa ay lumapit ito sa kanya. Kinuha nito ang lunchbox sa gilid at ipinatong sa tapat niya.

"Tapos ka na pala, Ma'am Rose, sa ginagawa mo. Mabuti pa ay kumain ka na muna. Pasado ala una na pero hindi ka parin kumakain. Heto, may libreng pagkain binigay sa lahat kanina, tinanggap ko na para sayo dahil healthy foods naman." Binuksan nito ang lunchbox.

Kumunot ang noo ni Rose habang nakatitig sa mga pagkain na laman ng lunchbox. Pa