167. Napapawi

Hinanda ni Mike ang mga pagkain na niluto niya para kay Rose at sa paralegal nito na si Mrs. Pilar. Nalaman niya kasi na hindi kumakain sa tamang oras si Rose kaya naman naghahatid siya ng pagkain para dito. Kakutsaba niya si Mrs. Pilar na wag sabihin kay Rose na siya ang nagpapadala ng mga ito kaya naman kinakain ito ni Rose. Kapag nalaman kasi nito na siya ang nagluto ng pagkain ay baka masayang lang at hindi nito kainin. Kahit man lang sa ganitong bagay ay napapakita niya pa rin na mahal niya si Rose kahit wala itong alam at maalagaan niya ang kalusugan nito.

Alam naman niya na hindi lang siya ang naaapektuhan ng paghihiwalay nila. Alam niyang ito din ang apektado. Napansin niya yun dahil madalas niya itong nakita na wala sa sarili at tulala.

“Doc Mike, wala si Ma’am Rose ngayon, kasama niya si Doc Fortesa kaya masasayang lang hindi niya makakain ang pagkain na dala mo.” impormang bungad ni Mrs. Pilar kay Mike ng makita ito. Naawa ang matanda ng makita na nalungkot ito sa sinab