136. Record

Binuksan ni Rose ang kotse. Pagkapasok ay nahahapo siyang sumandal dito. Hanggang ngayon ay palaisipan sa kanya kung sino ang nagpadala ng kanyang confidential records dito sa law firm kung saan siya nagtatrabaho. Hindi mabilang ni Rose kung ilang beses siyang bumuntong-hininga habang iniisip ang tungkol sa bagay na 'to.

Kinuha ni Rose ang cellphone, ngunit agad din binalik ito sa bag. Kung sasabihin niya 'to ama, tiyak na malalaman ito ng mommy niya. Mag aalala lang ito at pipilitin na bumalik siya sa Switzerland. Pinilig ni Rose ang ulo. No, hindi pwede.

Imbes na tawagan ang ama, pinili ni Rose na tawagan si Frank. "Finally, nakontak din kita. Frank, I need your help—" napahinto sa pagsasalita si Rose ng may kumatok sa salamin ng kanyang sasakyan. Pamilyar ang babae, kung hindi nagkakamali si Rose, isa ang babaeng 'to sa mga babaeng kasama ni Sofia sa bar noong nagpunta siya ro'n kasama ang kanyang mga kaibigan. Bago binaba ang bintana ng sasakyan, nagpaalam muna si Rose sa kapat