144. Babae

Malakas na tumili si Rose ng buhusan siya ni Mike ng tubig sa katawan. Ang lamig! Narito sila ngayon sa likurang poso ng bahay, dito sila naligo ni Mike.

Akala niya kanina ay sa banyo sila maliligo, pero hindi pala. Palikuran lang pala talaga ang mga banyo dito. Nakakahiya dahil iba talaga ang nasa isip niya kanina. Lumapit si Mike sa asawa at mahina na pinisil ang pisngi nito.

“Ikaw ha, pinagnanasaan mo ako.”

Lalong namula si Rose. “N-no, I’m not.” Namewang ito para takpan ang pagkapahiya. “Alam mo ba na pwede kitang kasuhan sa pagbibintang mo—“

“Alam mo din ba na… pwede kitang kasuhan dahil pinagnanasaan mo ako?” Ganting biro ni Mike.

“Arghh! Ang kulit mo! Sinabi ng hindi kita p-pinagnanasaan eh.”

Bumalik sa pagbobomba ng poso si Mike. Nang mapuno ang balde, muli nitong binuhusan si Rose sa ulo ng tubig. Parang bata na lumayo si Rose sa kanya. “Ano bang klaseng tubig ‘to. Ang lamig!” Malamig na ang patak ng ulan, pero mas malamig ang tubig na galing sa poso, para itong may y