149. Walang kakampe

“D-Diyos ko! Awatin niyo si Sir Mike!” Utos ni manang na kalalabas lang ng tarangkahan. Mabuti na lamang at naisipan ng matanda na lumabas para mag usisa kung bakit hindi pa rin pumapasok sa gate ang sasakyan ng amo. Kung hindi ay hindi nila maaabutan si Sofia na sakal ng kanilang amo. Nangingitim na ang mukha nito at nawalan na nang malay.

Natatakot na napaatras ang lahat upang bigyan daan si Mike na ngayon ay napakadilim ng ekspresyon ng mukha dahil sa galit. Wala itong pakialam na iniwan lang ang kapatid na si Sofia, kaya naman napilitan ang mga tauhan na dalhin na lamang ito sa hospital. Mukhang galit na galit talaga ang amo nila dahil hindi man lang ito nag alala sa kapatid at basta na lamang itong iniwan na walang malay ay kinakapos sa paghinga.

“Damn! Ahhh!” Lahat ng madaanan ni Mike, mahawakan, at makita ay pinagsisira niya at winawasak. Galit na galit siya sa sarili niya dahil hinayaan niya na mapaikot siya nito ng matagal. Hindi lang ang babaeng mahal niya ang nawala sa