150. Sweet

Nakangiting bumaba ng sasakyan si Rose at sumagap ng sariwang hangin. Naalala niya noon, tuwing bakasyon ay hindi pwedeng hindi sila magbakasyon dati ng pamilya noon. Narito sila ngayon ni Mike sa bahay-bakasyunan ng kani-kanilang pamilya. Sa probinsya kung saan na naninirahan ang kaibigan ng mommy niya na si Tito David kasama ang pamilya nito.

Parang kailan lang bata pa sila ni Frank at nila…

Napahawak si Rose sa ulo ng may alaalang bilang lumitaw sa kanyang balintataw. Sila nila Frank, Sofia, Dana at… Mike.

Yumakap si Mike mula sa kanyang likuran. “I remembered when we were kids back then. Paborito mong utusan ako na umakyat ng puno para lang kuhaan ka ng mga duhat.”

Humarap siya kay Mike at ikinawit ang braso sa leeg nito. “Bigla akong may naalala. Hmm, payat ka pala noon at… iyakin.”

“Pero minahal mo.” May ngisi sa labi na sagot nito.

Namumula ang pisngi na hinampas ni Rose si Mike sa dibdib. “Tse! Ipagyabang ba naman.” Ingos niya.

Bago pumunta si Mike sa sariling ba