155. Pagtaboy

TUMAMBAD sa paningin ni Mike ang makalat na kwarto ni Rose. Para itong binagyo, nagkalat ang bubog galing sa nabasag na vase at iba pang mga kagamitan sa loob, Para dinibdiban si Mike ng makita niya si Rose. Nakatayo ito sa gilid ng bintana at halatang inaabangan siya. Umiiyak si Rose bakas sa mukha niya ang hindi matawaran na sakit na alam niya na siya ang dahilan.

"Rose..." Gusto itong yakapin ni Mike, ikulong sa bisig niya at sabihin na tumahan na at huwag umiyak. Subalit sino ba ang dahilan kaya umiiyak ito ngayon?

Siya at wala nang iba.

May hinanakit na nagtanong si Rose. "B-bakit, Mike?" Napaiksing tanong subalit para itong patalim na humiwa sa puso ni Mike. "A-ang sabi ko, ayaw ko pang mamamatay, nagmakaawa ako sayo... tanggap ko at naintindihan ko naman kung bakit hindi mo ako gustong iligtas." Gumagaralgal ang boses ni Rose, nag unahan sa pagpatak ang luha niya sa sakit ng kalooban niya. "P-pero bakit pati ang anak natin ay hinayaan mo lang na mamatay? P-pwede ka naman