147. Pumirma

“Narito ang impormasyon tungkol sa taong nakabangga sa kapatid mo, Sir.” Nilapag ng private investigator ang mga papeles sa mesa ni Frank. “Napag alaman ko na isa siyang adik sa sugal. Baon siya sa utang at umabot ng milyon ang halaga no’n. Dahil sa mahirap na pamumuhay, hindi niya ‘yon magawang bayaran. Hanggang sa tinatakot ba siya ng mga pinagkakautangan na papatayin siya at ang pamilya niya kapag hindi siya nakapagbayad.”

Kumunot ang noo ni Frank. “It doesn’t make sense. Ano ang rason niya at ginawa niya ‘yon sa kapatid ko?”

May kinuha na papeles ang imbestigador, ipinakita ito ng matanda kay Frank. “Hindi takot mamatay ang suspect. Pero ng pagbantaan na papatayin pati ang pamilya niya… doon na ito natakot at humanap ng paraan para makapagbayad. Pero hindi sapat ang pambayad nila kahit na naibenta na nila ang maliit na bahay nila. Ang nakapagtataka, Sir Evans, bago niya nabangga ang kapatid mo… nakapagbayad siya sa lahat ng utang niya, nabilhan pa ng bahay ang pamilya niya bag