145. Happy

Hindi mawala sa isip ni Rose ang mga nalaman niya kay Darla. Apat ng taon ang asawa ni Mike ayon dito, kaya malabo na ang asawa nito ang may gawa noon. Sino kaya ang babaeng ‘yon? Niyakap ni Rose ang sarili, nakadama siya ng kilabot. Baliw lang ang taong gagawa ng gano’n.

Napatili si Rose sa gulat ng bigla siyang buhatin ni Mike. “M-mike, baka madapa ka, my god!” Aniya ng tumakbo ito habang buhat-buhat siya. Tawa naman ito nang tawa nang kanya itong paghahampasin sa dibdib, dahil sa nerbiyos na baka matisod ito at magpagulong-gulong sila sa lupa. “Mike, naman eh! Kapag nadapa ka, wala kang kiss mamaya!”

Ngumisi si Mike sa narinig. “Kiss lang?” Humalakhak ito ng kurutin siya ni Rose sa dibdib ng mahina.

“A-ang dami mong kalokohan sa isip—ahhh!” Muling tili ni Rose ng mabilis itong tumakbo. Kung buhatin siya nito ay parang napakagaan lang niya na bagay. Takot na takot na kumapit siya sa leeg nito habang tumatawa. Aba, ang loko, ang talas ng mata sa dilim. Hindi man lang ito nada