138. Mahal

Dahil gabi na rin naman ay inalok ni Rose si Mike na sumabay na sa kanya magdinner. Imbes na sa pagkain niya ituon ang atensyon niya, hindi maalis kay Mike ang mga mata niya.

"May gayuma ka sigurong pinainom sa akin noon, noh. Kasi parang... gustong-gusto talaga kita, eh." aniya habang nakatingin ng may panunudyo kay Mike.

Uminom muna si Mike ng tubig bago nagsalita. "Hindi ko na kailangan painumin ka ng gayuma."

Pinasadahan ni Rose ng tingin ang kabuuhan nito. "Hmm, dahil gwapo ka?"

Ngumisi ito bago sumagot. "Dahil matagal ka ng patay na patay sa akin."

Muntik ng maibuga ni Rose ang tubig na iniinom. Namumula ang pisngi na tinuro pa niya ang sarili. "Ako? Patay na patay sayo? Wow ha, ang taas ng self confidence mo." Hindi niya alam na marunong din palang magbiro si Mike. Napahinto si Rose sa pagtawa ng mapansin na nakatitig si Mike sa kanya. Aware naman siya na maganda talaga siya, in fact, marami ang nagsasabi nito sa kanya noon pa man, at lahat 'yon ay balewala kay R