CHAPTER 73

NANG mapansin na balisa ang babae, inisip ni Knives na marahil nag-aalala ang babae sa box nito kaya napabuntong-hininga siya.

“Don't worry, hindi mawawala ang box mo. Kukunin 'yon ng housekeeper at ibabalik sa'yo,” inis na sabi niya habang pinipindot ang fingerprint scanner.

“B-Bitiwan mo ako, kaya ko namang naglakad mag-isa,” wika ni Lalaine na hindi maitago ang pagtatampo.

Kung para sa lalaki ay basura iyon, para sa kan'ya na naghihikahos sa buhay ay napakahalaga ng mga gamit niyang naroon sa box. Ang iba roon ay ipinundar niya mula sa kanyang pagtatrabaho, at ang iba naman ay galing pa sa kanyang namayapang ama't lola.

Salubong ang kilay naman na nilingon ni Knives ang babae. Mukhang marunong na rin itong mag-alburoto.

“Fine,” maikling niyang sagot saka binitiwan ang payat nitong braso.

Dahil biglaan ang pagbitaw ni Knives sa kamay ni Lalaine ay na-out of balance siya, dahilan para muntikan na siyang matumba. Namanhid kasi ang kanyang mga binti sa ilang oras niyang nakaupo haba