CHAPTER 77

HINDI na pinakinggan pa si Benjamin ni Knives Dawson, sa halip ay nilampasan lang siya nito at nagtuloy-tuloy patungo sa lobby ng naturang building.

Mayamaya pa'y dalawang security guard ng Debonair ang lumapit kay Benjamin at binuhat siya nito at inihagis sa kalsada. Pinagtitinginan siya ng mga taong naroroon pero walang pakialam si Benjamin sa kahihiyan na iyon. Ang importante sa kan'ya ay h'wag makansela ang engagement nila ni Olivia dahil tiyak niyang katapusan na niya kapag hindi iyon matuloy.

Nahihirapan man dahil sa sakit ng katawan na nararamdaman, pumikit na bumangon si Benjamin at saka dinukot ang cellphone sa suot niyang coat. Nakahinga siya nang maluwang nang makitang hindi iyon nabasag.

Mabilis siyang nagtungo sa contacts at hinanap ang pangalan ni Olivia at tinawagan. Matapos ng ilang pag-ring ay sumagot din ito.

“Yes, babe?” tanong ni Olivia sa kabilang linya.

“Babe, help me!”

———

Matapos ang insidente kaninang umaga, naging maayos ang umaga ni Lalaine sa