CHAPTER 70

MABILIS namang naharang ng abogado ang pag-atake na iyon ni Ursula gamit ang isang lakad at nagbabantang nagsalita, “Mrs. Aragon, serious domestic abuse will also result in imprisonment. Kontrolin mo sana ang sarili mo,” pagpapaalala pa ng butihing abogado.

“'Wag mo akong pigilan! Papatayin ko ang babaeng 'yan! Walang kwentang anak! Pagkatapos kong palakihin at pakainin, gaganituhin pa ako! Walang utang na loob!” galit na galit na sigaw ni Ursula.

Bakas naman ang pagkabahala sa mukha ng abogado habang awat-awat nito ang kanyang ina.

Matapang na pinagmamasdan ni Lalaine ang kanyang ina na galit na galit sa kan'ya ng mga sandaling iyon. Hindi na siya matatakot sa kanyang ina dahil kilalang-kilala niya ito simula pagkabata. Talagang hindi nito kakayanin na mawala siya— ang bakang gatasan nito.

Humarap si Lalaine sa kanyang ina, tinitigan n'ya ito ng diretso sa mga mata habang may kung anong dinudukot sa bulsa ng kanyang pantalon.

Inilapag niya sa harapan ng kanyang ina ang isang balison