CHAPTER 69

“I'LL give you one day to pack your things.”

Natigilan si Lalaine sa narinig mula sa lalaki. “O-Okay lang maayos naman—”

“'Di mo ba naiintindihan kung anong posisyon mo ngayon?” tiim-bagang na wika ni Knives, “From now on, wala kang karapatan magsabi ng ayaw mo, naiintindihan mo?”

Kumabog ng husto ang dibdib ni Lalaine. Pakiramdam niya'y wala na talaga siyang takas pa sa kamay ng lalaki. Gustong matawa ni Lalaine. Hindi ba't sinabi nito sa kan'ya na sa oras na makahanap ito ng ibang babae ay palalayasin siya nito? Bakit ngayon ay gusto nitong tumira sila sa iisang bubong?

“S-Sige.”

Wala nang panahon pa para makipagtalo pa si Lalaine sa lalaki dahil nagmamadali siya, kaya pumayag na lang siya sa gusto nitong mangyari.

Matapos ang usapang iyon ay bumama na rin si Lalaine sa sala, nagtaka pa siya ng salubungin siya ng secretary nito Knives na si Liam Miller.

“Ms. Aragon, ibinilin ni Mr. Dawson na ihatid kita papunta roon,” ani Mr. Miller na ang tinutukoy ay ang rehabilitation center.

Nag