CHAPTER 37

TULALA at walang imik si Lalaine sa kanyang desk habang iniisip kung ano ang mangyayari sa kan'ya. Tatlong araw pa lang siyang nagtatrabaho pero iyon na kaagad ang nangyari. Sinusundan yata siya ng kamalasan kahit na saan siya magpunta.

Nang break time na at nilapitan si Lalaine ni Ms. Divine sa kanyang desk. Napansin kasi nito ang pag-iisip n'ya tungkol sa nangyari sa kompanya. “Lalaine,” pukaw nito sa kan'ya.

Mabilis namang itinigil ni Lalaine ang ginagawa saka nakangiting hinarap ang kanilang team leader. “Ms. Divine, may kailangan po kayo?” magalang na tanong ni Lalaine.

Nagulat si Lalaine nang akbayan siya ni Ms. Divine. “I know this internship is important to you, so don't worry because you won't be fired from the company because you're an intern.”

Nang marinig iyon ay lalong mag-alala si Lalaine. “Pwede ko po bang malaman kung anong kompanya ang sumalo sa Debonair?”

“What I know is that Dawson Group acquired our company,” sagot naman ni Ms. Divine.

Tila huminto ang p