CHAPTER 38

"ALAM mo ba kung ano ang nangyari kay Luke nang araw na umalis ka?" galit na tanong ni Lalaine sa kabilang linya saka sandaling lumabas sa cafeteria at nagpunta sa emergency exit door.

"Ano'ng pinagsasabi mo? Kahit bantayan ko pa si Luke, hindi na s'ya gagaling. Tingnan mo nga ang kapatid mo? Lantang-gulay na s'ya. Ewan ko nga ba't nag-aaksaya ka pa na ipa-ospital 'yang batang 'yan," saad ng kanyang nanay na para bang kung sinong bata lang ang kanilang pinag-uusapan.

Dahil sa mga narinig mula sa sariling ina ay tahimik na humikbi si Lalaine. Hindi lang yata siya sa trabaho malas, maging sa personal ay napakamalas din niya. Sino bang ina ang pagsasalitaan ng ganoon ang anak na nakikipaglaban para mabuhay?

“Napakasama mo! Nanay ka ba talaga namin? Ano bang kasalanan namin sa'yo ni Luke, bakit ganito mo kami tratuhin?” puno ng hinahakit na wika ni Lalaine sa ina habang pigil ang iyak. Nag-iingat siyang baka may makarinig sa kan'ya na umiiyak sa emergency exit.

Dahil sa sinabi ni L