Chapter 83

Tumikhim muna si Diego bago nagsalita sa harap ni Drake na galit na galit na nakatingin sa kanya. Hindi naman siya natatakot kay Drake dahil alam naman niya sa sarili niya na may importanteng sasabihin siya dito at hindi naman masama ang intensiyon niya sa pagpunta niya sa mansion nito kahit alam niyang pinagbabawalan na siyang pumunta.

"Alam ko na hindi na ako puwede pang pumunta sa mansion mo, Drake. Hindi ko naman 'yon nakakalimutan, eh. Pero may kailangan lang talaga akong sabihin sa 'yo na dapat na malaman n'yong dalawa ni Rizza. Alam ko na ang tungkol sa inyong dalawa ni Rizza. Magkasintahan na kayo, 'di ba?" sabi ni Diego kay Drake na masamang nakatingin sa kanya.

"Paano ako maniniwala sa isang kagaya mo, Diego?! Umalis ka na! Huwag ka nang babalik pa dahil kapag inulit mo pa 'to ay pasasabugin ko na ang bungo mo! Hindi ka talaga marunong umintindi kahit kailan!" singhal ni Drake kay Diego. Maging ang kanyang mga kamao ay nakakuyom.

Hinayaan lang ni Diego na sabihan siya ng k