Chapter 82

Kinagabihan ay kinausap si Rizza ng kanyang mga magulang tungkol sa inamin niya ditong pagsisinungaling niya. Hindi nila nagustuhan ang inamin ni Rizza na 'yon ngunit wala naman na silang magagawa pa. Nangyari na ang mga 'yon. Hindi naman naging masama ang resulta ng kasunduan na 'yon nilang dalawa. Kahit galit man silang mag-asawa sa ginawa ng dalawa ay nangyari na 'yon. Bago nila kausapin si Rizza ay silang dalawa na muna ang nag-usap.

"May sasabihin kami sa 'yo, Rizza," malumanay na sabi ni Minerva kay Rizza. Katabi niya ang kanyang asawa na si Arturo na seryoso ang mukha. Mariing tumango si Rizza sa harap ng mga magulang niya.

"Sige po. Sabihin n'yo na po kung ano'ng gusto n'yo na sabihin sa akin. Makikinig po ako sa inyo. Sana po ay mapatawad n'yo ako sa ginawa kong 'yon sa inyo na pagsisinungaling. Mapatawad n'yo po sana kaming dalawa ni Drake na boyfriend ko," mahinang sagot ni Rizza sa mga magulang niya. Nagkatinginan sina Minerva at Arturo pagkasabi niya. Nagpakawala ng malal