Chapter 33 "First night in Batangas"

NASA villa ng mga Guevarra sa Batangas tumuloy sina Luke at Zarah. Gabi na nang makarating sila sa naturang villa. Kaya sa halip na mamasyal ay mas pinili na lamang ng dalawa ang magpahinga dahil sa haba ng oras na kanilang binyahe agad silang nakakaramdam ng pagod. Halos inabot nila ang apat na oras sa pagbibiyahe dahil sa sobrang traffic kaya hindi sila umabot sa oras na kanilang inaasahan. Tapos na rin silang kumain sa restaurant na kanilang nadadaanan kanina.

Nasa kuwarto na ngayon si Zarah hinanda niya ang susuotin ni Luke sa pagtulog. Si Luke naman ay nasa banyo na ito upang maligo. Nauna na siyang naligo dito kaya sumampa na siya sa kama.

May tatlong kuwarto ang villa na kanilang tinutuluyan at ang pinakamalaking kuwarto ang kanilang inuukupa. Gusto niya sanang okupahin ang kabilang kuwarto ngunit ayaw naman siyang payagan ni Luke, bakit niya pa raw gagawin iyon, eh, magkasama naman daw sila sa iisang kuwarto sa mansiyon nito, kaya sa huli ito na rin ang nasusunod.

Nais n