Chapter 18 "Sinusuhulan"

PAGPASOK pa lamang ni Zarah sa kanilang bahay ay namilog na ang mga mata niya sa matinding gulat. May bago silang sofa, napakalambot non at hindi kahoy lang na tulad ng una nilang upuan doon.

"Mom!" Hindi siya patatahimikin ng kuryusidad niya hangga't hindi niya malalaman kung saan iyon nanggaling.

Nang walang sumagot sa kanya ay tumuloy na siya sa kusina upang lalo lamang magulat. Punung-puno ang mesa nila ng patung-patong na grocery items na naroon.

"Nandiyan ka na pala, hija," anang mommy niya na kasalukuyang kumakain ng family-size pizza sa harap ng mesa. Masayahin ang mukha nito at hindi mukhang biyernes-santo. Nanalo kaya ito sa sugal.

"Don't tell me napanalunan mo tong lahat sa sugal mom?" nagtatakang tanong niya.

"Naku, hindi naman. Alam mo namang barya-barya lang ang napapanalunan ko sa sugal. Namimili ako kanina pag-alis mo."

"Saan ka kumuha ng pera?" hindi pa rin makapaniwalang tanong niya.

"Eh, di ba't binigyan ako ni Luke bago ka niya pinuntahan sa restaura