Chapter 23 "Pagkakautang"

MAAGANG gumising si Zarah kinabukasan upang makapaghanda ng maaga. Papasok na siya ngayon sa trabaho matapos ang dalawang araw niyang pagliliban. Dumaan sa bahay niya kahapon si Cathy pagkagaling nito sa trabaho. Balita nito'y pumayag daw ang kanilang manager na magduty siya ngayon. Dahil hanggang limang araw pa raw ang binigay nitong tsansa bago siya ma-AWOL sa trabaho. Iyon daw kasi ang rules ng management.

Mabilis niyang tinapos ang pagliligo at pagbihis. Nais niyang mas aagahan ang pagpunta roon dahil kailangan niya pang magreport sa opisina ng manager. Kung may sanction bang nakahanda sa kanya. Umaasa siyang mapakiusapan niya pa ang manager kung sakaling meron man.

Kung gaano man siya kaaga ngayon ay ganoon din kaagang dumating ang hindi inaasahang bisita.

"Ano na naman ang kailangan mo, Luke?" tanong niya agad nang mapagbuksan ito ng pinto. Akala niya si Cathy ang kumatok dahil napag-usapan nila kahapon na sabay na silang papasok ngayon sa trabaho.

"Ikaw ang kailangan ko