Chapter 25 "At poolside"

TILA napakabilis ng mga pangyayari sa buhay ni Zarah. Matapos masulusyonan ang problema na kinasasangkutan ng kanyang ina ay sa isang iglap lang, settled na ang lahat. Ang lahat ng yon ay hindi niya makakamit kundi dahil sa tulong ni Luke. Hindi niya akalain na isa pala ito sa itinuring na maimpluwensiyang tao sa kanilang lugar. Kung kaya't nagawa nito ang lahat na nais nitong gawin sa isang pitik lamang ng daliri.

Ang ama pala nito ay kilala sa larangan ng negosyo sa buong bansa. Kinuwento ni Manang Ninfa kung paano nagkakilala ang mag-ama. Si Aling Ninfa ay matagal ng nagtatrabaho bilang kasambahay sa pamilyang Guevarra. Ito ang pinadalang katulong ng ama ni Luke noong bumukod ito ng tirahan sa ama. Hindi man detalyado lahat ngunit sapat na sa kanya ang mga nalalaman tungkol sa binata.

Hanggang ngayon ay wala pa rin siyang balita tungkol sa mommy niya. Nahihiya naman siyang humingi ng tulong kay Luke na hanapin ang kanyang ina dahil marami na itong naitulong sa kanya at ayaw ni