Kabanata 47

Corvus’ POV

Gusto kong tumulong kay Alina nang sarili kong desisyon. ‘Yung sa tingin ko ay makakatulong talaga ng husto sa kaniya. Naisip ko kasing maglalapit pa ng husto kay Nacho. Gusto kong alamin lahat ng baho at sikreto niya. Nang sa ganoon, sa oras na mabuhay ulit si Miss Alina, hawak na niya ang lahat ng alas niya laban sa taong ‘yon.

Bahala na, siguro itataya ko na lang ang sarili ko para may makuha akong impormasyon kay Nacho. Kung anong hiling nito, gagawin ko pero kung kalabisan na, tama na. Ayokong magpabáboy sa kaniya. Isa pa, sisiguraduhin kong walang pagtatálik na magaganap. Hawak puwede pa, pero kung may lalala pa roon, hindi talaga puwede.

Ngayong gabi, kasama ko na ulit si Miss Helena. Nandito na kami sa may street nila Manong George. Inaabangan na namin ang pag-alis niya kasi ganitong oras daw ito kung dumalaw sa ospital na kung saan ay dinala niya si Miss Alina. Handang-handa na kami ng kasama ko. Handa na naming tuklasin kung saan lugar naman ba niya nilagay ang k