Kabanata 55

Corvus’ POV

Pagbukas ko ng pinto ng bahay ko ay nagulat ako kasi si Miss Helena ay narito sa labas. Tumingin tuloy ako sa orasan. Nagulat ako nang makitang ala una na pala ng madaling-araw.

“Anong ginagawa mo rito, umaga na ah?” tanong ko sa kaniya habang nakakunot ang noo ko. Nasa kasarapan pa naman ako ng tulog, saka pa siya katok nang katok sa pintuan ko. Para siyang walang isip. Hindi ba niya alam na nakakaabala siya.

“C-corvus, g-galit ba t-talaga si t-twinzies sa akin?” tanong na niya habang bangenge ang itsura ng mukha. Ngayon ko lang naamoy ang hininga niya na halos amoy alak. Lasing pala siya kaya ganitong hindi iniisip ang ginagawa niya. Tinignan ko ang isang bodyguard niya na nasa likuran niya. Sinenyasan ko siya na lumapit sa amin.

“Lasing na ang amo ninyo. Mabuti pa ay ihatid niyo na siya pauwi, bago pa ako tumawag ng pulis. Gabi na, nang-iistorbo pa kayo ng mga taong natutulog na,” sabi ko sa kaniya. Hindi na ako nahiyang magalit kasi nakakagalit naman talaga itong ginag