Kabanata 58

Alina’s POV

Nandito ako sa white house ni white lady, este ni Madam Imelda na pala. Nasa room ako ngayon ng katawan ko. Nakakatuwang makita sa personal ang sarili kong katawan. Para lang akong natutulog habang nakahiga sa kama. Maya’t maya ay sinisilip ako ng mga private nurse at ng doctor na taga Australia. Talagang ginagawa nila ang lahat para mapabuti ang lagay ng katawan ko. Dati raw ay itim na ang kulay ng mga labi ko, ngayon nagiging pink na kaya maging senyales ito na um-okay na ang lagay ng katawan ko.

“Ang hindi ko lang ma-gets, bakit may kakahayan ka pa ring makakita ng mga gaya kong kaluluwa pa rin kahit buhay ka naman na?” tanong ko kay Madam Imelda nang lapitan ko siya rito sa garden niyang punong-puno ng iba’t ibang mababangong bulaklak. Abala siya sa pagtatanggal ng mga tuyong bulaklak at tuyong mga dahon.

“Siguro ay dahil hindi ko naman talaga katawan itong katawan ng trillionaire na ‘to,” sagot niya saka pumitas ng isang bulaklak na kulay puti. Inamoy-amoy niya ito sa