Kabanata 61

Corvus’ POV

Nasa bahay lang ako at nakahiga sa kama. Tila ako kaawa-awa ngayon kasi walang nag-aalaga. Ang taas ng lagnat ko, halos hindi ko makuhang bumangon para kumain o uminom ng gamot. Nilagnat ako dahil sa pag-stay ko sa labas ng mansiyon ni Madam Imelda. Ayaw nila akong papasukin doon. Pilit akong tinataboy ng mga security guard. Halos naulanan tuloy ako roon ng limang oras dahil sa paghihintay ko roon. Limang araw na kasing walang paramdam si Miss Alina. Nag-aalala na ako sa kaniya. Naiisip ko na baka may nangyari ng hindi maganda sa kaniya.

Kaninang umaga, pagkagising ko, ganito na ako. Inaapoy na ng lagnat.

Tumawag sa akin kanina si Nacho. Tinanong niya kung bakit hindi ako pumasok. Sinabi ko na lang ang totoo sa kaniya na nilalagnat ako ngayon kaya hindi ko nakapasok. Naintindihan naman niya kaya pumayag siya na hindi na muna ako pumasok sa trabaho ko sa kaniya.

Balot na balot ako ng kumot. Gusto ko sanang isara na ang aircon, kaya lang mainam din kasi sa may lagnat ang nak