Kabanata 67

Corvus’ POV

Habang wala akong ginagawa, nagkulong muna ako sa loob ng kuwarto ko. Habang nagkahiga sa malambot kong kama, inumpisahan ko nang basahin ang libro. Kaya lang, sa unang pahina pa lang, wala na akong maintindihan. Ibang lenggawahe ang nakasulat dito. Lengguwahe na hindi ko maintindihan. Lahat ng pahina ay ganoon ang nakasulat kaya pakiramdam ko ay tila mahihirapan akong magamit ang mga nilalaman ng librong ito.

Pagbaba ko sa libro sa table ko, nag-ring ang cellphone ko. Nakita ko sa screen ng cellphone ko na tumatawag sa akin ngayon si Mamang Penpen.

“Hello?” bungad kong sabi sa kabilang linya.

“Sir Corvus, may problema po ngayon dito sa villa ni Miss Alina. Nandito po ngayon ‘yung isang tita ni Miss Alina at ang dalawang anak nitong lalaki at babae. May mga kasama siyang armadong mga lalaki. Gusto raw po nilang pangisawaan ang lahat-lahat ng tungkol sa yaman ng pamilya ni Miss Alina. Pakiramdam ko ay maghahari-harian sila dito,” sumbong niya sa akin kaya agad akong napakil