Kabanata 70

Alina’s POV

Pagdilat ng mga mata ko, doctor at mga nurse ang una kong nakita.

“Doctor, our patient is awake,” sabi ng nurse sa doctor na abalang nakatingin sa libro niya. Binitawan niya tuloy ang libro para lapitan at i-check ako.

Sa una, parang foggy pa ang pag-iisip ko. Hindi pa pumapasok sa isip ko ang mga nangyari sa akin. Hanggang sa makita kong pumasok na rin dito sina Corvus at White lady. Doon, kusang ngumiti ang mga labi ko.

“Her condition is good now. And I think her health will continue to improve,” dinig kong sabi ng doctor na tumitingin sa akin.

Nakatitig lang ako kay Corvus. Titig na titig siya sa akin na para bang hindi makapaniwala na gising na ako at nabuhay pang muli. Ang guwapo niya ngayon. Maganda ang porma niya, mukhang anak-mayaman. Ngayon ko masasabi na mas guwapo talaga si Corvus sa lahat ng lalaking naging jowa ko at naging kalandian ko.

Hanggang sa lumapit na siya sa akin. Una niyang hinawakan ang kamay ko. “Totoo ba ‘to, gising ka na talaga?”

Hinawakan na ri