Kabanata 51

Corvus’ POV

Habang nasa kalagitnaan kami nang panunuod ng movie, nag-umpisa na akong mangharot kay Nacho. “Ikaw ba, Nacho, may mga seryosong sikreto ka bang tinatago?” tanong ko sa kaniya. Mabuti na lang at ‘yung pinapanuod namin ay tungkol sa malalang sikreto ang usapin. Kaya na-open ko bigla sa kaniya ang ganitong topic. Nang sa ganoon, magsabi na rin siya ng mga sikreto niya sa akin.

“Yes, mayroon naman. Lahat naman siguro ng tao ay mayroon,” sagot niya kaya napangisi ako. Lalo tuloy akong ginaganahang mag-spy sa kaniya.

“Ako, mayroon din, e. Malala rin, pero matagal ko nang binaon sa lupa. Ayoko na ngang naaalala ‘yon, kaya lang bigla kong naalala ulit dahil sa pinapanuod natin,” sabi ko sa kaniya para mag-umpisa na. Nang sa ganoon ay makapaglahad na rin siya sa akin ng sikreto niya. At sana, tungkol sa sikreto kay Miss Alina ang ilahad niya. “Noong highschool ako, nagawa kong magnȁkaw para sa pambaon ko,” sabi ko sa kaniya kahit hindi naman totoo. Wala namang kuwentang tao itong