Kabanata 168

Caline’s POV

Sa umagang iyon, nakatayo ako ng tahimik at nagmamasid sa hardin mula sa ikalawang palapag ng mansiyon. Araw-araw kong binabantayan ang bawat galaw ng mga bulaklak—parang sila ang pinakamalalapit kong kaibigan, ang mga luntiang buhay na nagbibigay liwanag sa tahimik kong mundo. Oo, simula nang malaman kong flower fairy ako, mas nagustuhan at minahal ko pa ang mga halaman, lalo na kung ito ay namumulaklak.

Alam kong dapat ko nang sabihin kay Akeno, ang aming hardinero ang tungkol dito, dapat na rin kasi gaya nang sabi ng mga magulang ko, may malaking magiging papel si Akeno sa buhay ko. Matagal ko na itong pinag-isipan kagabi buong magdamag, lalo na pagkatapos ng insidente nung nakaraang araw nang halos mamatay siya sa kamay ng isang lasing na bigla na lang namamaril. Pinrotektahan ko siya gamit ang kapangyarihan ko, ngunit hindi ko sinabi ang totoo—hindi ko maipaliwanag noon, pero ngayon, kailangan ko nang ipagtapat ang lahat sa kaniya kasi alam kong marami na siyang tano