Kabanata 176

Caline’s POV

Sa totoo lang, hindi ko alam kung anong sumagi sa isip ko nang umagang ‘yon. Basta’t bigla na lang akong nagdesisyon na magpunta sa mall, kahit na ang original kong plano ay mag-movie marathon maghapon. Siguro, dahil naisip ko si Akeno. Dahil sa pagpapatulog niya sa akin sa bahay-kubo niya at dahil naubos namin ang grocery niya. Naisip ko na baka palagi na lang siyang kumakain ng instant noodles o kaya ‘yung mga tinitipid na pagkain.

Hindi ako nagdalawang-isip na mag-grocery para sa kaniya. ‘Yung tipong hindi lang para sa isang linggo, kundi parang pang isang buwan na supply ng pagkain ang kinuha ko para sa kaniya. Parang natanggal lahat ng mga limitasyon ko sa buhay nung nakita ko ‘yong mga prutas, gulay, at karne na parang nagtatawag sa akin mula sa mga estante ng grocery store para ibigay kay Akeno. Maghapon kasing puro prutas ang kinain namin nun habang maghapon ang malakas na ulan.

“Ma’am, ilalagay na po ba natin sa cart ‘yong buong tray ng pork chop?” tanong ng sale