Kabanata 118

Corvus’ POV

“Sumama ka na sa akin, doon ka na lang muna sa manisyon ko. Huwag mo na problemahin ang trabaho, bibigyan kita doon. Delikado na ngayon ang panahon. Gusto ko, nasa safe place na lahat ang mga malalapit sa buhay ko. At isa ka roon kaya sumama ka na sa akin,” sabi ko kay Geronimo nang puntahan ko siya rito sa bahay lumang bahay ko na binigay ko sa kaniya. Takang-taka siya kasi biglaan ang pag-aaya ko sa kaniya. Wala na rin kasi akong choice. Ayokong mapahamak siya. Gusto ko, kapag naglabasan na ang lahat ng demonyo sa pinto ng impyerno, nasa ligtas na lugar na silang lahat. Ayokong may mabalitaan akong nasaktan o namatay sa isa sa mga mahal ko sa buhay.

“Corvus, sabihin mo muna kasi sa akin ang dahilan kung bakit biglaan ‘yang desisyon mo? Saka, hindi mo ba ako nakikita? Lugmok ako. Brokenhearted. Halos walang tulog. Tulala na ako ilang araw na dahil sa natuklasan ko sa asawa ko,” sabi niya habang namumula ang mga mata dahil sa kakaiyak. Ngayon ko lang kasi nalaman na nahuli