Kabanata 120

Corvus’ POV

“Mahiwagang aqua lily, tulungan mo akong pagalingin ang nasugatan at nanghihina kong katawan. Nang sa ganoon ay hindi na makawala pang muli ang demonyong kalaban ko ngayon,” sabi ko habang nakakahinga ako sa ilalim ng tubig. Nagulat ako kasi bigla ulit umilaw ang katawan ko. Naramdaman kong naghilom ang mga sugat sa katawan ko at nanumbalik ang lakas ng katawan ko.

Sa pagkakataong iyon, lumangoy na ako paahon sa tubig ng ilog. Patakas na ang demonyo nung akala niyang natalo na naman niya ako. Kaya naman gumawa ako ng tali gamit ang tubig ng ilog para mahuli siyang muli. Ginamit ko ang buong lakas na binigay sa akin ng aqua lily para mahatak siya at madala sa tubig ng ilog. Para itong malaking bato na bumagsak sa tubig. Narinig ko ang parang pagkulo ng tubig. Dahil siguro sa init na dala niya.

Dahil allergy siya sa tubig, dali-dali rin siyang umahon sa tubig gamit ang paglipad niya. Hindi lang siya mabilis, nagagawa niya rin palutangin sa hangin ang sarili niya. Sa pagkakat