Kabanata 123

Corvus’ POV

Hindi na nagparamdam si lola. Ang huling pagkikita namin ay ‘yung gabing nakalaban ko ang demonyong may kapangyarihang apoy. Hindi ko alam kung tuluyan na ba siyang naglaho o may pinagkakaabalahan lang. Mabuti na lang at tinuruan niya akong gamitin ang sikreto ng swimming pool dito sa manisyon. Kaya kapag may katanungan ako, doon ako nagtatanong. Minsan, nasasagot naman ako ng mahiwagang swimming pool, pero minsan ay hindi rin talaga.

Sa ngayon, ang mina-master ko na lang ay ang kapangyarihang bigay ng aqua lily. Power element ito kaya dapat lang. Mas malakas kasi ang kakayahan nito kaysa sa ibang kapangyarihan na binibigay ng iba’t ibang bulaklak sa akin. Ang kakayahan ng aqua lily ay mas marami at nalalaro ko talagang mabuti ang mga kakayahan nito. Habang tumatagal, mas marami akong natutulaksang gawin sa kapangyarihang na ‘to. Na para sa akin, nakakagalamay ko na rin talaga ang kapangyarihan ng tubig.

“Corvus, tignan mo ‘to,” sabi ni Alina nang lumapit sa akin. Pinakita