Kabanata 129

Alina’s POV

Pagod ako buong araw dahil sa pag-aasikaso sa mga kasama namin dito sa mansiyon. Marami na kasi kami dito, kasama na rin namin ang pami-pamilya ng mga tauhan namin ni Corvus dito. Sadyang napakabait na tao talaga ni Corvus. Kahit sa ibang tao, may care siya.

Maagang nakatulog si Corvus, pagod siya sa buong araw na pag-e-ensayo niya sa kapangyarihan niya, tapos kanina may nakalaban pa siyang demonyo. Gabi-gabi, palagi siyang palano sa mga nakakalaban niyang demonyo. Ibig sabihin ay talagang lumakas na siya.

Ako, kahit anong baling ko sa kama, hindi ako makatulog. Pagod naman ako kanina kaya dapat ay tulog na ako ngayon. Kaya lang kasi parang may naririnig akong kung anong boses. Hindi ko alam kung imagination ko lang ba o totoo talaga.

Napasulyap ako sa madilim na bintana ng kwarto namin. Isang malalim na buntong-hininga ang pinakawalan ko bago ipinikit ang mga mata ko. Sa gitna ng katahimikan ng gabi, hindi ko namalayang tuluyan akong nilamon ng antok.

Nang buksan ko ang m